“Lufta e Sirisë nuk ka mbaruar, dhe liderët terroristë duan që kjo luftë të zgjasë sa më shumë”, ka deklaruar Presidenti sirian, Bashar al-Assad.

Në një intervistë për median ruse, Sputnik, ai tha se terroristët kanë në kontrollë disa zona të Sirisë dhe sipas tij, ata janë duke kryer ‘lloje të ndryshme të krimeve dhe vrasjeve’, transmeton portal arbresh.info

“Dy vjet më parë, ne kemi filluar zbatimin e një plani për të modernizuar ushtrinë tonë dhe kemi ndërmend të kryejmë atë modernizim në bashkëpunim me Ministrinë Ruse të Mbrojtjes, sepse ushtria jonë është mbështetur në armët ruse për dekada”, tha presidenti sirian.

Ai nuk donte të tregonte se cilat lloje të armëve ruse vendi i tij është i interesuar të blejë.

Lufta civile që ka filluar që në vitin 2011, ka lënë të vdekur me qindra mijëra persona, dhe ka zhvendosur nga vendi me miliona njerëz, të cilët janë larguar nga Siria për të marrë rrugën drejt vendeve të pasura të BE-së./arbresh.info/